Íslenskir fuglar

Aldamótaárið 1900 lauk Benedikt Gröndal Sveinbjarnarson (1826-1907) við að teikna og lýsa öllum íslenskum fuglum sem hann vissi til að sést hefðu á Íslandi. Handritið að þessu mikla stórvirki var aldrei gefið út og fáar myndir úr því hafa birst. Þetta glæsilega verk, sem ber í senn vitni listfengi Benedikts, lifandi stílgáfu hans og færni sem skrautritara og fræðimanns, kemur nú loksins fyrir almenningssjónir. Útgáfan er gerð í samvinnu við Náttúrufræðistofnun Íslands sem hefur varðveitt þennan dýrgrip um áratuga skeið.