Með sumt á hreinu. Jakob Frímann Magnússon lítur um öxl - Rafbók

Jakob Frímann Magnússon er skemmtikraftur og djassari, stjórnmálamaður, diplómat, athafnaskáld, pabbi, miðbæjarstjóri, sonur, kvikmyndaframleiðandi, formaður, elskhugi, menningarfulltrúi, bróðir, eiginmaður, upptökustjóri, jógi, barnabarn, herstjóri, forstjóri, pólitiíkus, afi ... Hann á sér mörg andlit og mörg gervi og kringum hann er alltaf líf og fjör. Hér dregur Þórunn Erlu-Valdimarsdóttir hins vegar fram annan Jakob – mýkri og alvarlegri.Það vantar ekki góðar sögur. Ljúfar stundir hjá afa og ömmu á Akureyri kvikna og uppvöxturinn hjá „músíkölsku pari“ í Hlíðunum meðan allt lék í lyndi, menntaskólaárin í MH þar sem til varð skrýtin skólahljómsveit – Stuðmenn – sólskinsstundir í LA , sveiflan í London. Jakob rekur af hispursleysi sára örlagasögu móður sinnar, talar um konurnar í lífi sínu, segir frá félögunum í Stuðmönnum, sköpunargleðinni, árekstrunum og vináttunni. Og hér eru raktar ráðgáturnar í lífi Jakobs þar sem sumt er komið á hreint – en annað ekki.