Útijóga - Náttúruleg orka

Bókin "Útijóga - Náttúrulega orka með útiveru og æfingum", mætir sívaxandi áhuga á útiveru og hreyfingu. Í bókinni eru einfaldar leiðbeiningar um útijóga og fjöldi ljósmynda til skýringar. Útijóga er, eins og nafnið gefur til kynna, jóga sem stundað er úti, gjarnan í tengslum við gönguferðir eða aðra útiveru. Hefðbundið útijóga felur í sér upphitunaræfingar, gönguferð þar sem jóga- og öndunaræfingar eru gerðar nokkrum sinnum á leiðinni, og loks er endað með teygjum og slökun. Útijóga er hægt að stunda allan ársins hring. Í bókinni er fjallað um eftirfarandi þætti: öndunaræfingar, upphitunaræfingar, jógaæfingar, jafnvægisæfingar og teygjur; slökun og hugleiðslu, kosti hreyfingar, streitu í daglegu lífi, næringu, útbúnað og góð ráð ásamt tillögum að samsetningu æfinga. Bókin er góð fyrir alla þá sem vilja stunda jóga og æfingar á eigin vegum. Bókin hentar einnig vel fyrir kennara sem stunda útikennslu með börnum og unglingum.Bókin er í þægilegu A-5 broti