Jólamatur Nönnu

Nanna Rögnvaldardóttir fékk ekki að koma nálægt því að elda jólamatinn fyrr en hún var orðin harðfullorðin en hefur bætt sér það upp síðan. Í þessari glæsilegu jólabók Nönnu er að finna uppskriftir að dýrindis jólamat fyrir hefðbundin jól, ódýr jól, hollustujól, fiskijól, villibráðarjól, góðærisjól, dönsk jól og fljótleg jól. Í bókinni eru þrautreyndar uppskriftir að hefðbundnum jólamat, nýstárlegar útfærslur á kunnuglegum veisluréttum og ýmislegt alveg nýtt og spennandi. Það eru einnig fjölbreyttar tillögur að mismunandi forréttum, meðlæti og eftirréttum. Þeir sem ekki geta beðið til jóla með matseldina geta spreytt sig á einföldum uppskriftum að ýmiss konar góðgæti til að útbúa á aðventunni.