Snjóblinda - Rafbók

Á Siglufirði finnst ung kona blóðug og hálfnakin í snjónum, nær dauða en lífi. Aldraður rithöfundur deyr á grunsamlegan hátt á æfingu hjá áhugaleikfélagi bæjarins, daginn fyrir frumsýningu. Ari Þór Arason, nýútskrifaður lögreglumaður, reynir að komast að því hvað er satt og hvað er logið í samfélagi þar sem engum virðist hægt að treysta. Einangrunin, myrkrið og snjórinn þrengja að honum, óttinn nær tökum á bæjarbúum og gleymdir glæpir fortíðar koma upp á yfirborðið. Ragnar Jónasson er ungur lögfræðingur sem vakti verðskuldaða athygli fyrir spennusögu sína Fölsk nóta. Hér sýnir hann og sannar að hann kann að setja saman sögu sem heldur lesandanum í spennu og óvissu fram á síðustu blaðsíðu. „Skemmtileg og vel skrifuð. Bíð spennt eftir næstu bók.“ – Ásdís Halla Bragadóttir „Spennandi, grípandi og heldur manni við efnið.“ – Guðríður Haraldsdóttir, Vikunni „Flétta Ragnars er prýðilega byggð og lesandanum er komið á óvart í sögulok.“ – Páll Balvin Baldvinsson, Fréttatímanum **** – Heiðrún Sveinsdóttir, bóksali Eymundsson, Austurstræti "Sjóblinda er lipurlega skrifuð og flétta sakamálasögunnar gengur fyllilega upp. ... Ragnar Jónasson er höfundur sem vert er að fylgjast með." Ingibjörg Rögnvaldsdóttir, bokmenntir.is