Og svo kom Ferguson

Í ár eru liðin rétt sextíu ár frá því fyrstu Fergusondráttarvélarnar komu til Íslands. Af því tilefni öðrum fremur hefur höfundurinn tekið bókina saman með aðstoð fjölda heimildarmanna. Gráu Ferguson-vélarnar mörkuðu upphaf vél- og aflvæðingar á fjölmörgum búum og engin ein gerð dráttarvéla hefur notið viðlíka vinsælda hér á landi. Ferguson dráttarvélarnar eru því órjúfanlegur hluti af sögu og þróun íslenskra sveita upp úr miðri síðustu öld – á tímum mestu búháttabreytinga frá því land byggðist.